Две лица од Тетово и Џепчиште се приведени ноќеска откако кај нив била најдена дрога. Полицијата извршила контрола кај нив околу 21:30 часот во селото Горно Седларце.
-Полициски службеници од Полициското одделение Камењане ги лишиле од слобода Ј.З.(23) од Тетово и М.М.(30) од с.Џепчиште, тетовско, затоа што при преглед кај нив и во возилото „фолксваген голф“ со тетовски регистарски ознаки, во кое се превезувале, била пронајдена марихуана, информира МВР.
По приведување во полициска станица и по целосно документирање на случајот против нив ќе биде поднесена соодветна пријава.