Малолетници проголтале бела грутчеста материја кога наишла полиција во Неготино, соопштија денеска од Секторот за внатрешни работи – Велес.
– Рано изутрина во 00:05 часот во Неготино, полициски службеници од ОВР – Неготино лишиле од слобода двајца малолетници на возраст од 17 и 16 години од овој град. Кога ги забележале полициските службеници, двајцата малолетници проголтале бела грутчеста материја, што подоцна ја исфрлиле од устата и им била одземена, информираа од СВР – Велес.
Тие биле приведени во полициска станица и со нив бил извршен службен разговор во присуство на нивните родители, адвокат за малолетници и претставник од Центар за социјални работи – Неготино.
– Известен бил јавен обвинител и по документирање на настанот, ќе биде поднесена соодветна пријава, додадоа од СВР – Велес.
