Од опозициската ВМРО-ДПМНЕ реагираат на денешната прес-конференција на Љупчо Николовски од СДСМ.
Тој на денешната прес-конференција изјави дека сите ученици треба да се ослободат од полагање државна матура, а факултетите, каде ќе има голема конкуренција за упис, селекцијата да ја направат преку приемен испит.
Според ВМРО ДПМНЕ, не мора да има приемни испити доколку учениците се оценат со средна оценка изведена од претходните години и првото полугодие од оваа учебна година.
„Наместо да им се мешаат на наставниците во работата, подобро е да прават стратегија за тоа што ќе прават во август и септември за децата кои не се опфатени со далечинското учење, што со децата со посебни потреби и што со илјадници студенти кои ќе треба да ја надоместат практична настава, колоквиумите и да полагаат испити“, пишува во соопштението на ВМРО-ДПМНЕ.
