Референдумот е можност да се чуе народот, ги повикуваме власта и сите политички партии да ја поддржат иницијативата порачуваат од ВМРО-ДПМНЕ. Од опозициската партија прашуваат зошто власта се плаши од референдум ако како што велат концептот кој го турка е исправен.
– Потегот на Стево Пендаровски да го поддржи референдумот е добар почеток, и се надеваме дека тоа ќе го следи и СДСМ и останатите партии од власта. Власта има можност да покаже разум, и да го прифати референдумот. Народот е тој кој одлучува порачуваат од опозициската партија.
Од СДСМ пак велат дека Христијан Мицкоски самиот јавно кажал дека е против Европската унија и дека има поддршка единствено од „неговиот партнер Димитар Апасиев со кого заедно одбработуваат за туѓи интереси“.
– Проблемот на Мицкоски е што почнавме преговори со ЕУ, со заштитен македонски јазик во Унијата и заштитени идентитетски, културни и јазични посебности на македонскиот народ. Референдумот кој го најавува Мицкоски, а за кој не ја знае ниту формата, ниту пршањето служи само за лична внатрепартиска употреба, откако му пропаднаа сите обиди преку насилство, блокади и крвави сценарија да ја закочи и дестабилизира државата велат од владеачката партија.
