Влада: Нема повеќе ди-џеи и пејачи во кафулиња и ресторани, на една маса ќе седат најмногу по четворица

Од:

Владата на осмата седница ги усвои заклучоците од состанокот на Комисијата за заразни болести при Министерството за здравство, со кои се предлагаат мерки за спречување од ширење на коронавирусот КОВИД-19, соопшти владината прес-служба.

Информацијата уште преходно ја потврди министерот за здравство Венко Филипче, кој соопшти дека Владата ги прифатила предложените мерки на Комисијата за заразни болести, кои предвидуваат забрана за гостување на пејачи и ди-џеи во сите угостителски објекти, ограничување на јачината на музиката до 55 децибели и намалување на бројот на лица кои може да седат на една маса во угостителски објект од сегашните 12 на четири.

„Ја пратиме ситуацијата и понатаму доколку треба имаме план и за дополнителни рестрикции ако тоа се изнуди. Една од можните мерки, понатаму е и ограничување на работа на одредени економски субјекти и на бројот на луѓе во јавниот превоз, како и мерката за носење маски на отворено“, изјави тој.

Според него, за ваквите и за други мерки би размислувале во подоцнежните есенски месеци, кога се очекува и појава на сезонскиот грип, настинки поради студеното време, како зголемена загаденост на воздухот.

– Во насока на намалување на ризикот од појава и ширење на КОВИД-19, Владата ги прифати ги препорача следите рестриктивни мерки на Комисијата: Не е дозволено гостување на пејачи/музички групи/диџеи во угостителските објекти кои послужуваат пијалаци и храна, вклучително и во ресторанскиот дел на угостителските објекти за сместување (хотели/мотели), се ограничува максималното ниво на бучава во угостителските објекти на 55 децибели, во Протоколот за отворање и работа на угостителските објекти и во Протоколот за отворање и работа на кафетериите се ограничува дозволениот максимален број на лица на една маса на 4 лица, се наведува во соопштението од владината седница.

Како што се додава во соопштението, согласно одлуката во протоколот за отворање и работа на угостителските објекти, се брише точка 6 и се заменува со „максимален број на лица на една маса се ограничува на 4 лица“, а во Протоколот за отворање и работа на кафетериите се додава нова точка: „максимален број на лица на една маса се ограничува на 4 лица“.

Од Владата посочуваат дека ќе се инсистира на стриктно почитување на точка 3 од Протоколот за отворање и работа на угостителските објекти и од Протоколот за отворање и работа на кафетериите, со која не е дозволено послужување на гости на стоење на шанк и стоечки маси

– Владата го прифати и укажувањето на Комисијата за потребата од строго почитување на забраната за работа на ноќни барови и дискотеки и потребата од преземање на ригорозни мерки од страна на надлежните институции во случај на прекршување на забраната, се додава во соопштението.

Владата, исто така, ја одобри и препораката на Комисијата за отворањето на училишните кујни за децата со продолжен престој со стриктно почитување на правилата за добра производствена и хигиенска пракса утврдени со Закон за безбедност на храна, како и ХАССП стандардите и Протоколите за заштита од КОВИД-19, со напомена послужувањето на оброците да се реализира во училишните трпезарии водејќи сметка да не дојде до мешање на ученици од различни паралелки.

На седницата, Владата ја усвои и Предлог-програмата за изменување на програмата за остварување и развој на дејноста во студентскиот стандард за 2020 година за прераспределбата на средства во износ од 106.000.000,00 наменети за студентски стандард, односно за подмирување на трошоци за тековно работење на студентските домови во однос на трошоците за греење, електрична енергија, потрошена вода и други трошоци.

Министрите во Владата денеска го усвоија и Извештај за работата на Комисијата за разгледување на поднесени барања од страна на основачот на училиштето за организирање на настава со физичко присуство, за период од 29.09.2020 година до 2.10.2020 година, се додава во соопштението од владината седница.

Би можело да ве интересира

Комисијата за финансирање го прифати предлогот за продолжување на рокот за финансиска помош за повеќе категории граѓани

Официјално: Кафеаните од утре ќе работат до 21 часот

Жарко Настоски

Компаниите опфатени со првата мерка од Пакетот 5 се ослободени од царинските давачки за суровини и репроматеријали во висина од 7,1 милиони евра

Жарко Настоски

Текстилните компании изненадени, мислеле дека државната помош ќе продолжи и во јануари

Жарко Настоски

ССК: Мерките за помош на компаниите да продолжат до април, петтиот пакет да биде донесен во јануари

Струмичани славеле роденден и се фалеле на Фејсбук, добија кривични пријави

Жарко Настоски