Претседателот на СДСМ Зоран Заев по денешната средба со Андреј Жерновски од ЛДП и лидерот на НСДП Тито Петковски, изјави дека ги потврдиле ставовите дека опозицијата не се враќа во Парламенотот.
– Доколку власта смета дека може да отпочне преговори, ќе се разговара за петте теми: за медиумите, за разграничување на партијата од државата, за пописот, за изборното законодавство и избирачкиот список и формирање на техничка влада, изјави Заев по средбата.
Нивната стратегија за имплементација на четирите столбови, според него е во тек.
– Новина е тоа што од утре почнуваме со трибини во 16 града во Македонија, и на нив ќе отворат дебата со граѓаните за актуелните политички случувања. Дебатите почнуваат од утре во Битола, рече Заев.