Големи жолти траги од влага, поцрнети ѕидови, извадени делови од плафонот од каде излегуваат жици. Ова е ликот на салата „Империјал“ во Македонската опера и балет, која најмногу настрада од големите поплави кои се случија во Скопје пред 20-тина дена.
Во меѓувреме, салата се користи без никаков проблем за одржување настани.
Речиси еден месец подоцна, местото се уште функционира во истата состојба, без штетите да бидат санирани.
Иако директорот Дејан Прошев за А1он веднаш по поплавите кои ја зафатија МОБ изјави дека се поправаат штетите предизвикани од прокиснувањето, сепак состојбата во салата „Империјал“ не е променета.
– Во големата сала нема никакви оштетувања, прокиснување има во салата „Империјал“ и таму штетата веќе се санира, изјави тогаш Прошев.
Во невремето кое го зафати Скопје пред неполн месец, со поплавите се бореа и двата нови објекти од „Скопје 2014“ – Стариот театар и Археолошкиот музеј.
Петар Клинчарски