Портпаролот на ВМРО-ДПМНЕ, Наум Стоилковски на денешната прес-конференција обивни дека кандидатот за претседател од СДСМ Стево Пендаровски е, како што рече „докажана и продолжена рака на заевизмот“.
„Втор Заев ќе значи крај за државата, втор Заев ќе значи аминување на криминалот, економската девастација, губење на се што значи Македонија. Граѓаните знаат, граѓаните го препознаваат заевизмот кај Пендаровски, и заедно со ВМРО-ДПМНЕ ќе го зададат првиот сериозен удар за спас на државата“, изјави Стоилковски.
Како што рече Стоилковски, крајот им се ближи, Гордана Силјановска Давкова е победник на претседателските избори, а ВМРО-ДПМНЕ е победник на предвремените парламентарни избори.
