„Ние обезбедуваме ефикасни и рационални решенија за заштита на животната средина, се грижиме за здравјето на граѓаните.
Планираме реновирање на централниот парк во Ѓорче со соодветни содржини од холтикултурен аспект со акцент на зеленилото и изгардба на нови зелени површини и мини паркови кои ќе се наводнуваат со сопствени бунари на техничка вода, како и паркови во Дексион и во другите делови на општината.
Постојно реновирање на сите паркови во состав на зградите со соодветни организирани содржини. Во овој правец ветуваме дека за секој проект кој се планира на просторот на општината ќе биде изработена студија за проценка на влијанието врз животната средина што ќе треба да се изработи во колку проектот има директно или индиректно и кумулативно влијание врз животната средина.
Сите заедно ќе ги подигнеме еколошките стандарди, еколошката свест и квалитетот на живеење, со подобрување на јавното осветлување, преку модернизација на постојното и поставување на нови штедливи, современи, естетски и амбиентални светилки во општината.
За поголема ефикасност и намалување на загадувањето планираме проекти за енергетска ефикаснот, проекти за обновливи извори на енергија, соларни системи и други алтернативни извори, како и еден од најголемите проекти во соработка со Град Скопје, гасификација во општината.
Затоа на 15 Октомври гласајте за живот за младите во Ѓорче Петров, гласајте за живот за сите, гласајте за подобра иднина на нашите деца“ рече Илија Спасовски, носител на листа на Советници за општина Ѓорче Петров од СДСМ и коалицијата.