ВИДЕО: Се урива плажата „Немо“ во Охрид, приведен охриѓанец поради закани на полицијата

Од:

Со еден приведен утрово продолжи уривањето на плажата „Немо“ или Горица три во Охрид откако Владата донесе Уредба плажите да се вратат во првобитна состојба поради истечените концесии.

dobivaj vesti na viber

Очевидци велат дека утрово еден од сопствениците на плажата се заканувал на полицијата и работниците кои ги демонтирале шанкот и урбаната опрема на плажата.


Охридската полиција потврди дека едно лице е приведено.

„ На 17.06.2020 година во 09,30 часот, во СВР Охрид, поради нарушен јавен ред и мир на плажа во комплексот ’Инекс’,  приведен е В.М. (41) од Охрид.  Против него, ќе биде поднесена  соодветна пријава“, велат од охридската полиција.

Општина Охрид извести дека се отстрануваат грабите кои се надвор од опфатот на Генералниот урбанистички план. Предвидено е уривање на шанкови, потпорни ѕидови, платформи, натстрешници и сета урбана опрема.

Очевидци велат дека утрово еден од сопствениците на плажата се заканувал на полицијата поради што бил приведен

Владата на 63 седница ја дополни Уредбата за примена на законот за градежно земјиште за време на вонредна состојба која се однесува на плажите кои биле предмет на закуп, а предвидува сите концесионери чии договори се истечени или раскинати задолжително да ги вратат плажите со кои стопанисувале во првобитна состојба.

Со Уредба од Владата сите закупци со истечени или раскинати договори плажите треба да ги вратат во првобитна состојба

Контрола на теренот нема да прават општинските инспектори туку инспектори од Пазарниот инспекторат и од Управат за јавни приходи.

Дел од концесионерите на плажите во Охрид најавија дека ќе ја почитуваат Уредбата без разлика на огромните трошоци што ќе ги претрпат, но предупредија дека градот останува без понуда за туристите, многумина вработени остануваат без работа, а држава без даноците и придонесите за кои велат дека уредно ги плаќале.

Би можело да ве интересира

(ВИДЕО) Стојменов: Заев стои зад блокадата на градилиштето „Беко“, притисокот беше да го продадам евтино

Маја Илиевска-Пачемска

ВИДЕО: Борис Стојменов си ја крева дивоградбата кај „Беко“, за уривање сите чекаат на некој друг

„Кипер“ маркетите потврдуваат дека им влегла инспекција: Продавниците ќе бидат затворени до завршување на процесот

Кристијан Ландов

УЈП влезе и во „Кипер“ маркетите, вратите заклучени со натпис „попис“

УЈП во 84 маркети на „КАМ“ пребројува шеќер, зејтин, брашно, се утврдува дали залихата е иста како во сметководствената евиденција

Кристијан Ландов

ВМРО-ДПМНЕ: УЈП удри по ситните трговци, затвора мали продавници, додека големите никој не ги чепка