ВИДЕО: Поради лични интереси и партиски ургенции, 13-годишната Јована не може да излезе од својот дом

Од:

13-годишната Јована од Кавадарци покрај отежнатото движење и шесте операции на ногата има дополнителен проблем да излезе од својот дом. Патот кој води до семејната куќа на Јована е блокиран и непрооден.

Самохраниот татко на Јована, Игор Илиоски, веќе подолг период упатува жалби до оштината за проблемот со кој се соочуваат тој и неговата ќерка. Според Игор, соседот кој преку партиска помош од општината успеал да ја легализира улицата, почнал да гради гаража пред самиот влез на куќата на Илиоски.

-Соседот некако успеа да го легализира патот, најверојатно со некаква партиска помош од општината. Сега за да стигнеме до дома треба да кружиме преку цел рид, вели за А1он Игор Илиоски, додавајќи дека со овој проблем се справува веќе 36 години.

Како што тврди Илиоски, според урбанистичкиот план на местото кое сега е легализирано и претворено во непроодно градилиште стои дека треба да има асфалтиран пат кој ќе поминува покрај семејната куќа на Илиоски.

Жителите на овој дел од Кавадарци имаат и друга улица која поминува покрај капелата на муслиманските гробишта , но од ИВЗ Кавадарци поставиле метална порта поради камионите кои носеле градежни материјали и неколкупати ја оштетиле водоводната и канализационата мрежа, па овој пат не им останува како солуција безбедно да стигнат до своите домови.

Од општината велат дека интензивно бараат решение за оваа ситуација кое ќе оди во прилог на сите.

Виктор Јованов

Би можело да ве интересира

Запалени возило, трактор и гаража во Кавадарци

Горан Наумовски

Деветтооделенци од Кавадарци краделе и монтирале фотографии од соученички за да им се исмејуваат

Орце Костов

Група млади кавадарчани физички нападнале семејство во Марена

А1он

Кавадарци со низа препораки по најавените екстремно ниски температури

А1он

Приведен кавадарчанец: Излетал од патот додека превезувал мигранти при што загинало едно лице

А1он

Се запали куќа во кавадаречкото село Раец