Иако пожарот во селото Раец е целосно изгаснат, екипите на Територијалната противпожарна единица (ТППЕ) Кавадарци и натаму остануваат на терен, каде што вршат редовни контроли на целото опожарено подрачје.
Ова попладнево преку објава на Фејсбук го соопшти градоначалникот на Кавадарци, Митко Јанчев, истакнувајќи дека превентивните активности продолжуваат и по локализирањето на пожарот.
– Со превентивни обиколки и внимателно следење на состојбата, се проверуваат сите критични точки, со цел навремено да се реагира доколку се појави повторно разгорување. Безбедноста на граѓаните и спречувањето на нови жаришта остануваат највисок приоритет – напиша Јанчев.