Пожарите што вчера избувнаа во атарот на селото Раец предизвикаа оштетување на дел од електропреносниот систем, поради што е нарушено редовното снабдување со вода за селото Дреново, информираа утрово од Јавното претпријатие „Комуналец“ – Кавадарци.
Како што соопштуваат од претпријатието, поради прекинот во снабдувањето со електрична енергија не е можно нормално функционирање на бунарите од кои се обезбедува вода за селото.
– По оваа ситуација, ЈП „Комуналец“ веднаш реагира и испрати цистерна со вода во село Дреново за технолошки потреби и истата ќе се користи до средување на проблемот од страна на „ЕВН“ – потенцираа од јавното претпријатие.