Во кавадаречко пожарникарите целата ноќ го гаснеа пожарот кај селото Раец кој е значително намален, но сѐ уште е активен, извести Дирекцијата за заштита и спасување.
– Денеска се ангажирани повеќе екипи на два правци: На правецот од с.Дреново кон Ќесендре интервенираат ЈП „Комуналец“ – Кавадарци со една цистерна, еден скип и двајца вработени; МВР со еден џип, еден пинцгауер и четворица вработени, ЈПНШ – подружница „Бор“ Кавадарци со еден камион, џип и четворица вработени и ТППЕ Кавадарци со два пинцгауери, „лада нива“ и осум пожарникари. Во реонот на с. Раец интервенираат ЈП „Комуналец“ – Кавадарци со цистерна за вода, скип и двајца вработени, ТППЕ Кавадарци со противпожарно возило и 5 пожарникари, ТППЕ Неготино со џип и четворица пожарникари, како и четворица вработени од МВР, извести ДЗС.