Со неинформираност на задржаните лица – странци за тоа која е причината за нивно задржување во прифатниот центар, како и нецелосно и неблаговремено информирање за процесот на нивно присилно враќање и дестинацијата каде што треба да бидат вратени, се продолжува со праксата на неформално протерување и колективни депоратации на бегалците мигранти. Ова го констатира народниот правобранител во годишниот извештај Национален превентивен механизам.
Прикажано низ бројки, во извештајната година вкупно 297 лица поднеле барање за азил, при што официјално на 83 лица со решение им е запрена постапката поради напуштање на земјата.
Само на две лица им е признат статус под супсидијарна заштита, кои заедно со своите малолетни деца се вклучени во процесот на интеграција.
За овој извештај во врска со прашањето за бегалците мигранти во текот на 2018 година биле реализираните 31 посета на прифатните центри „Винојуг“ и „Табановце“, Центарот за странци „Гази Баба“ и Прифатниот ценатар за баратели на азил во Визбегово, вклучително и посета на Безбедната куќа за сместување ранливи категории лица.