Црвената младина од Левица на истата улица каде што денес премиерот на Косово, Албин Курти ќе присуствува на нејзиното преименување од Втора македонска ударна бригада во улица Адем Демачи, ги постави имињата на 300 загинати партизани од бригадата кои животот го дадоа за слободна Македонија на сите граѓани.
„Улицата која ги славеше оние кои го дадоа животот во борба со фашистичкиот бугарски окупатор од денеска ќе го слави Адем Демачи, сепаратист од Југославија и борец за Голема Албанија и независност на Косово, неколку пати осудуван на затворска казна во Југославија.
Нека им бодат очи овие имиња на оние кои ќе бидат на свеченоста по повод преименувањето на оваа улица, а на оние кои донесеоа ваква одлука, да знаат дека македонскиот народ не им заборава и простува.
Денес го бришат споменот од улиците, парковите, спомениците, утре ќе посегнат и по учебниците и нашата историја. Македонски народе, доста беше, разбуди се, свести се, не спиј ти! Смрт на фашизмот, слобода на народот“, се вели во соопштението на Левица.
Партизаните од оваа бригада која броела 480 борци, го изоделе Февруарскиот поход и потоа се вклучиле и во завршните борби на Сремски фронт за ослободување на Југославија.