(ВИДЕО) Костадинов: Членка на ЦК на ВМРО-ДПМНЕ вработена кај Иванов, а нејзината ќерка во Агенција за разузнавање

Од:

Партизацијата и злоупотребите на државните институции се симбoл на 11 годишното владеење на ВМРО-ДПМНЕ кои донесоa пандемија на непотизам. Кабинетот на Ѓорѓе Иванов е уште една потврда дека во секоја државна институција која била раководена од кадри на ВМРО-ДПМНЕ има случаи на вработувања на роднини на функционери од оваа партија, изјави на денешната прес-конференција портпаролот на СДСМ, Костадин Костадинов.

„Анастасија Илиеска, членка на Централниот комитет на ВМРО-ДПМНЕ и на ИК на Унијата на жени, поранешна државна советничка во Министерството за внатрешни работи и директорка на УЈП, вработена е како советник за безбедност во кабинетот на Иванов.

Нејзината ќерка, Андреа Илиеска пак е вработена во Агенцијата за разузнавање. Оваа институција, Агенцијата за разузнавање, е под директна надлежност на Ѓорѓе Иванов.

Станува збор за многу блиски роднински врски, за овој актуелен случај во Кабинетот на Иванов постојат основани сомневања за судир на интереси.

Освен нејзината ќерка, во државна инситуција добил работа и братот на Илиеска, Александар Тошески, поточно во Централен регистар во Прилеп.

Го повикуваме Ѓорѓе Иванов да се изјасни за овој случај во неговиот Кабинет, да ги повика роднините на Илиевска да се повлечат од работните места, во името на борбата против непотизамот.

Христијан Мицкоски да не чека, да ги повика пратениците на ВМРО-ДПМНЕ, Милошоски и Стевананџија да ги повлечат своите роднини од државниот сектор. Да ја повика членката на партиското раководство на ВМРО-ДПМНЕ и советничка на Иванов, Анастасија Илиеска, нека ги повлече своите роднини од државниот сектор.

Ајде да го пресечеме јазолот на непотизам создаден во времето кога ВМРО-ДПМНЕ имаше апсолутна власт.

СДСМ бара и нуди решенија против непотизам и партизацијата. Веќе се случија и повлекувања на вработени роднини на функционери“, изјави Костадинов.

Би можело да ве интересира

(ВИДЕО) Калеска Ванчева: Парламентарното мнозинство ја изгласа помошта за работниците, ВМРО-ДПМНЕ продолжува со блокади

Ана Ололовска

СДСМ: Апасиев, лажниот борец за работнички права кој прима државна плата, правеше сè помошта за плати да не стигне до работниците

Ана Ололовска

СДСМ: Помошта од петтиот пакет мерки стигнува до граѓаните

Ана Ололовска

(ВИДЕО) Лефков: Додека фирми чекаат со месеци за наплата, Кочо Анѓушев наплати 3.62 милиони евра за модуларни болници

Мери Јордановска

СДСМ: Наводните скандали на ВМРО-ДПМНЕ за Град Скопје се исчадени петарди во нивните раце

ВМРО-ДПМНЕ: Пратениците болни од Ковид-19 да се вратат во изолација, ќе следува кривична пријава

Мери Јордановска