Судиите кои со скратени и нечитки потписи поднесоа претставка против претседателот на Кривичниот суд, Владимир Панчевски се појавија на разговор во Судскиот совет.
– Благодарни сме што дојдоа, тие кои не дојдоа биле спречени од објективни причини. Дискутиравме на повеќе теми и за состојбите во известувањето и за состојбите во Основен суд Скопје 1, конструктивен дијалог со добра намера од двете страни. Дојдовме до заклучок дека проблемите не се толку големи како што се претставувани во јавноста, рече претседателот на Судскиот совет, Зоран Караџовски.
Тој истакна дека Панчевски претходно се појавил на одвоен разговор во Судскиот совет и рече доколку има потреба, ќе има заедничка средба на судиите кои ја потпишаа претставката и претседателот на Кривичниот суд.
– Ова го правиме со цел да се зачува угледот на судството, бидејќи од двете страни стојат судии. Преземаме дејствија за видиме каква е фактичката состојба, дали има ескалација на немили настани, рече Панчевски.
Тој рече дека судиите немале други забелешки околу работата на Панчевски, но не сакаше да открива повеќе детали за разговорот.
Александар Тодески