„Одлука на судот значи подривање на правната држава. Одлуката нема никаква правна основа, туку е партиско политичка нарачка која треба да го означи политичкиот прогон во Република Македонија.
Ова е апсурден предмет со кој се обвинува за фалсификат, а се става на товар дека наводно биле уништени исправи со вистинита содржина. Апсурдот да биде поголем ваква инкриминација не постои во актуелниот кривичен закон, односно СЈО го промашиле кривичното дело заради нестручност, незнаење или сервилност за извршување на политичките наредби.
Дополнително донесена е пресуда по предлог обвинение застапувано од СЈО кое е не е надлежно за ваков предмет. Во однос на надлежноста на СЈО околу предметот, се креира дополнителна конфузија. Законот нив ги ограничува на постапување единствено во врска со предмети кои директно произлегуваат од нелегалните разговори. За „Тврдина 2“ не постои ниту еден незаконски снимен разговор на кој се повика СЈО во постапката, а измисленото дело кое се става на товар е надвор од временската рамка која го ограничува постапувањето на СЈО.
Ова одлука е резултат на политичкиот прогон и на политичкиот притисок. Ова е политичка а не правна одлука“, изјави Крсте Јовановски.