(ВИДЕО) Богоев: Нема да дозволиме Бардовци да е отсечено од урбаното јадро

Од:

Во 2017-та година, граѓаните на Бардовци сеуште се соочуваат со основни проблеми, како нереконструирани улици, лоша канализациона мрежа, недостаток од тротоари, рече Стефан Богоев, кандидат на СДСМ и коалицијата за градоначалник на Карпош и посочи дека новата локална власт веднаш ќе започне со решавање на елементарните проблеми, но дека се предвидуваат и други, капитални проекти за Бардовци.

– Целосно ќе ја изградиме градинката во Бардовци и нема да дозволиме најмладите да бидат жртва на лажните предизборни ветувања на Јакимовски. Предвидено е и изградба на спортски центар „Лепенец”. Планираме реконструкција на фудбалското игралиште, соблекувалните и трибините. Ќе овозможиме и заживување на фудбалскиот клуб Лепенец и дополнително активирање на младинската школа, посочи Богоев.

Тој додаде дека дворот во училиштето „Аврам Писевски” ќе прерасне во спортско – рекреативна зона со содржини за учениците кои ќе бидат прилагодени за користење и за другите граѓани од овој дел на Карпош.

– Нема да дозволиме Бардовци да е отсечено од урбаното јадро, сите граѓани заслужуваат еднаков третман и овој реон ќе биде убаво место за живеење, заврши Стефан Богоев.

Би можело да ве интересира

СДСМ: Во вториот круг се бориме за 17 места, граѓаните масовно да излезат на гласање

СДСМ: ВМРО-ДПМНЕ би имале 52 пратеници а СДСМ 21, изгубија 140.000 гласови и попусто лажат со весели математики

ВМР0-ДПМНЕ: Ако утре има парламентарните избори, ќе освоиме над 60 пратеници, а СДСМ би била во некои изборни единици трета партија

ВМРО-ДПМНЕ: Освоивме 550 советнички места, повеќе за 82 од минатите локални избори, а СДС освои само 230 советника, што е помалку за 166

Османи му ја честита победата на Меџити и му посака успех во водењето на општината

(ВИДЕО) Мицкоски: Ветивме победа, имаме победа, ова е триумф на верниот народ

Горан Наумовски