(ВИДЕО) Богоев: На Македонија и треба државник, а не дворски шут од претседател

Шарената револуција вчера на дело ја покажа целата своја сила и надмоќ врз режимското сивило на ВМРО-ДПМНЕ. Ова е собирот на ГДОМ и ДПМНЕ, луѓе присилени да дојдат, да излезат од сенка на сонце, а ова е Шарената револуција, слободоумни граѓани, излезени по сопствена волја, 100 пати посилно и помасовно. Со бранењето на Иванов, одите директно против Република Македонија и нејзините граѓани, рече претседателот на СДСММ и пратеник, Стефан Богоев.

Иванов ги помилуваше и оние квази патриоти, кои шверцерски преговарале за промена на името. Иванов ги помилуваше и оние кои подло и мизерно го криеа убиството на Мартин Нешковски. Издигнете се над криминалците кои ја киднапираа вашата парија и ја окупираа нашата заедничка држава. Наместо да одите на партиски прослави каде грогираниот и нокаутиран боксер залудно се заканува гласајте за одговорност на Иванов. На Македонија и треба претседател кој ќе се поздравува, наместо да намигнува. На Македонија и треба претседател со кој ќе се гордееме, наместо да се срамиме. На Македонија и треба претседател државник, а не дворски шут на кој му се смее целиот свет. На Македонија и треба претседател кој ќе ги штити Уставот и законите, наместо на Груевски, Мерцедесот и плацовите. Фикус ако сакате може сите дома да си чувате, тука ни треба вистински претседател и државник, рече Богоев.