На протестот на „Твродкорните“ се обрати Јанко Бачев од Народното движење на Македонија, кој рече дека трипати досега поднесувале барање за закон за амнестија на учесниците во настаните во Парламентот на 27. април и трипати тоа им било одбиено од претседателот на Парламентот, Талат Џафери.
Според Бачев, тие што упаднаа во Парламентот не биле терористи, туку луѓе кои го бранеле Уставот и никој не влегол таму за да убива.
– Луѓето што на 27 април влегоа не се насилници. Влегоа со силна верба дека го бранат уставниот поредок на земјата, дека го бранат уставниот поредок на државата. Ние сакаме на Заев да му порачаме, никој не влезе таа вечер да го убива Заев, кој и да беше на тоа место ќе завршеше исто. Луѓето влегоа да го бранат уставниот поредок, да ја бранат државата, а не некого да убиваат, кажа Јанко Бачев.