Претседателот на Советот на јавни обвинители, Петар Аневски и Специјалната јавна обвинителка, Катица Јанева се сретнаа по барањето на Аневски да земе дел од “Пуч” со цел како што вели, да види од кои причини обвинителите се откажале од судењето.
Сепак, Аневски се премисли, па не бара само дел од “Пуч”, туку го сака целиот предмет.
-Се договаравме околу начинот на превземање на “Пуч” од страна на Советот на јавни обвинители. Се договоривме идната недела да имаме средба со 5 обвинители од СЈО и членови на советот, па тогаш ќе се договориме за понатамошните чекори, рече Аневски.
Специјалната јавна обвинителка Катица Јанева не сакаше да даде коментар, рече ќе видат по средбата идната недела.
Александар Тодески