Три општини од Тиквешијата со заеднички проект против заматувањето на водата за пиење

Од:

Три општини од Тиквешијата имаат заеднички проект со кој ќе се решава заматувањето на водата за пиење после обилни врнежи од дожд.

Проектот е насловен КАНЕРО, според првите букви на општините Кавадарци, Неготино и Росоман, кои со вода се снабдуваат од регионалниот водовод Лукар. Според кавадаречкиот градоначалник Митко Јанчев, ова е еден од поголемите инвестициски проекти, а со неговата реализација, ќе се реши големиот проблем со заматеноста на водата по поројни дождови.

– Вкупната инвестиција изнесува четири милиони и 390 илјади евра, без ДДВ. По нејзината реализација, се очекува подобрување на квалитетот на водата за пиење на шеесет илјади граѓани, во 69 населени места, како и заштита на нивното здравје, вели Јанчев.

Со проектот се предвидува рехабилитација на транспортната линија, со што ќе се намалат и загубите на вода. Должината на цевките кои ќе бидат заменети е 8.455 метри. Се предвидува и станица за третман на водата, прва таква во Вардарски регион.

Кавадаречкиот градоначалник информира дека проектот ќе се финансира со донација од Словенија, како и со финансиски средства од државата, но и од трите општини, согласно на нивната големина.

Би можело да ве интересира

Зголемена потрошувачка на вода, во делови од Скопје рестрикции и намален притисок

Граѓанин на Скопје во еден ден троши по 664 литри вода

Горан Наумовски

Скопјани екстремно трошат вода, апел да не се полнат базени и да не се полеваат бавчи

АХВ лажела за водата во Струмица, Костадинов најави кривична пријава

Предраг Петровиќ

Финансиската полиција поднесе кривична за градоначалникот на Росоман

Горан Наумовски

Ден по смртта на тригодишно дете: Вонреден инспекциски надзор во болницата во Кавадарци