Струмица жали за двајцата браќа, кои ги загубија животите во гаснењето на пожарот во струмичко.
50-годишниот Блажо и 45 годишниот Пено, едниот татко на три, другиот на две деца, и двајцата вработени во „Македонски шуми“, беа проголтани од пламените јазици, додека несебично помагаа да се сопре огнената стихија, која беше дело на нечиј монструозен ум.
Во родниот Рич, тага, траор и неверување. Сите што ги познаваа велат дека биле добри луѓе, чесни и загинаа херојски.
Траорна атмосфера и огромна жал и во Струмица. На плоштадот се палат свеќи за трагично загинатите Блажо и Пено.
Денеска во Струмица е ден на жалост.