Светски ден на Ромите

Од:

Во Македонија денеска со повеќе активности ќе биде одбележан Светскиот ден на Ромите 8 април.

dobivaj vesti na viber

Одбележувањето, како што посочуваат организторите е можност за потсетување на историскиот развој на борбата за остварување на правата на Ромите на меѓународно ниво и во Република Македонија.

– Периодот на изолираност и маргинализираност денес претставува само една фаза од развојот на заедницата на Ромите во Република Македонија. Денес, новите генерации со силна мотивација и желба го прифатија предизвикот да бидат носители на прогресот, на промените во генетскиот код кои резултираат со надминување на комплексот на пониска вредност. Денес ги промовираме новите вредности на генерацијата млади Роми кои даваат значителен придонес во развојот на македонското современо општество, посочуваат од ромските невладини организации „Сумнал“ – здружение за развој на Ромската заедница и „Баирска Светлина“ од Битола.

Во рамки на одбележувањето Во Битола ќе биде прикажан документарен филм „Придонесот на Ромите во изградба на современото македонско општество“, во кој се евидентираат значајни личности Роми, од сферата на професионалниот, општествениот и јавниот живот во Република Македонија и нивниот придонес во изградбата на современото македонско општество и објаснување како тие секој во својата област, даваат придонес во креирањето и спроведувањето на јавните политики.

По повод Светскиот ден на Ромите во единствената ромска општина во светот Шуто Оризари се организира културно – музичка манифестација.

– Единствената општина со мнозинско ромско население, општина Шуто Оризари, по повод 8-ми Април организира културно-музичка во која ќе се прикаже ромскиот фолклор, традиционалната музика испеана од врвни ромски музичари од Македонија и светот, истакнуваат од општината.

Би можело да ве интересира

Приоритети на Стратегијата за Роми 2022–2030 се долгорочното унапредување на социјалната кохезија и економскиот статус на Ромите

А1он

Меѓународниот ден на Ромите – 8 април, неработен за припадниците на ромската заедница

Ана Ололовска

Истражување: Над 90 отсто од Ромите не поднесуваат жалба на добиено негативно решение поради недоверба во институциите

А1он

ЗПР ги осудува барањата на полицискиот синдикат од Битола и говорот на омраза во медиумите кон Ромите

Ана Ололовска

Ромите се поранливи на кризата предизвикана од COVID-19 што ни ја покажа потребата од активно вклучување на заедницата при заштита од кризни состојби

А1он

ВИДЕО: Меморандуми за соработка за два проекта за поддршка на Ромите во земјава

Ана Ололовска

Светски ден на Ромите

Од:

По повод Меѓународниот ден на Ромите 8 Април, претседателот Ѓорге Иванов денеска ќе ги прими лидерите на политичките партии на Ромите во Република Македонија.

dobivaj vesti na viber

Клубот на млади на општина Шуто Оризари во рамки на Црвениот крст на град Скопје по повод одбележувањето на Светскиот ден на Ромите денеска ќе организира крводарителска акција, а во ГЕМ клубот ќе се одржи јавна дебата на тема „Неформалното образование е повреднувано на пазарот на труд од формалното“.

Осми април е прогласен за Меѓународен ден Ромите на Првиот светски конгрес на Ромите одржан од 4-ти до 8 април 1971 година во Лондон. Тогаш е усвоено ромското знаме, песната „Ѓелем, ѓелем“ е прифатена како ромска химна и е утврдено сите дијалекти на ромскиот јазик да бидат рамноправни.

Ромскиот јазик има индоевропско потекло и неговите корени потекнуваат од стариот пенџаби или хинди дијалект. Во светот живеат над 12 милиони Роми кои во историјата имале неколку големи миграции од Индија кон Европа и Америка. Во 1995 година Советот на Европа го прифати користењето на терминот „Роми“ во своите официјални документи.

Според последниот попис на населението во 2002, во Македонија живеат 53.879 Роми или 2,66 проценти од популацијата. Ромите во Македонија се уставно признати како конститутивен народ, имаат политички партии, медиуми на ромски јазик, а Шуто Оризари е единствен пример во Европа каде што Ромите се мнозинство во општината.

Македонија ја поддржува Декадата на Ромите (2005 – 2015) – меѓународна иницијатива за подобрување на социјалната и економската положба на Ромите, која е поддржана и од Бугарија, Хрватска, Словачка, Чешка, Црна Гора, Романија, Србија и Унгарија. Денот на Ромите од 2007 година е државен празник во Република Македонија за граѓаните кои и припаѓаат на ромската етничка заедница.

Би можело да ве интересира

Приоритети на Стратегијата за Роми 2022–2030 се долгорочното унапредување на социјалната кохезија и економскиот статус на Ромите

А1он

Меѓународниот ден на Ромите – 8 април, неработен за припадниците на ромската заедница

Ана Ололовска

Истражување: Над 90 отсто од Ромите не поднесуваат жалба на добиено негативно решение поради недоверба во институциите

А1он

ЗПР ги осудува барањата на полицискиот синдикат од Битола и говорот на омраза во медиумите кон Ромите

Ана Ололовска

Ромите се поранливи на кризата предизвикана од COVID-19 што ни ја покажа потребата од активно вклучување на заедницата при заштита од кризни состојби

А1он

ВИДЕО: Меморандуми за соработка за два проекта за поддршка на Ромите во земјава

Ана Ололовска