ССНМ бара казна за напаѓачите на новинарите

Од:

ССНМ најостро го осудува вандалскиот напад врз новинарската екипа на порталот А1он, којшто се случи вечерва за време на протестот организиран од неформалната граѓанска иницијатива Заедничка Македонија.

Учесници на денешниот протест ги претепале снимателот Владимир Желчески и новинарот Александар Тодевски во близина на Собранието и целосно им ја уништиле камерата.

По инцидентот екипа на Брза помош ги пренела колегите во Ургентниот центар.

Синдикатот бара полицијата во најкраток можен рок да ги пронајде напаѓачите и да го расчисти инцидентот, бидејќи ова не е прв пат да се претепуваат новинари и она што најмногу загрижува е што најчесто напаѓачите остануваат неказнети.

Од новинарскиот синдикат велат дека токму ваквиот однос кон новинарската професија, меѓу другото, придонесува Македонија секоја година дополнително да тоне на меѓународните листи за слобода на печатот и да гравитира поблиску до земји како Северна Кореја, отколку до современите демократии.

„Дополнително, овој инцидент е резултат на неодговорните политичари и нивните приврзаници чиј говор на омраза преку медиумите и социјалните мрежи токму на ваков начин се сели на улиците.

Со оглед дека протести се најавени и во наредните денови, ССНМ ги повикува членовите на иницијативата за Заедничка Македонија и нивните поддржувачи да направат сѐ што е во нивна можност овој инцидент да не се повтори и да им овозможат на новинарите да си ја вршат работата без да стравуваат за својот живот.

Би можело да ве интересира

ЗНМ и ССНМ реагираат: Попречувана новинарка на Телма при известување за инцидентот во Битола

(ВИДЕО) Протести на турските новинари против властите

Владата ќе формира Национален комитет за заштита и безбедност на новинарите

Промовирана алатка за пријавување онлајн вознемирување врз жени во медиумите

ПР-службата на Владата не е таа што одлучува кои новинарски прашања заслужуваат одговор, реагира Синдикатот на новинарите

Светски ден на слободата на медиумите: Слободните медиуми се столб на демократијата