Средба на здруженија и невладини организации од земјата со цел зачувување на традиционалното семејство со враќање на истото кон духовните и моралните вредности ќе се одржи попладнево во хотел „Континентал“-Скопје, информираат од Здружението на граѓани „Традиционално семејство“.
– Преку создавање на взаемна синергија сакаме да ја подигнеме националната свест за важноста, благосостојбата и благодатта на семејството со природно раѓање на деца преку склучување на брак помеѓу маж и жена. Со здружено и организирано делување сакаме да обезбедиме правилен развој на нашите деца, а со тоа и здрава иднина на нашите општества, велат од Здружението.
На средбата, Здружението ќе ја промовира иницијативата за обединување на здруженија и невладини организации од земјата и странство и ќе информира за натамошните активности.