Бројот на живородените деца во четвртото тримесечје од 2018 година, во споредба со истиот период од претходната година, е зголемен за 5.0 отсто и изнесува 5 597 живородени деца, соопшти Државниот завод за статистика.
Зголемување за 9,1 отсто бележи и бројот на умрените лица и изнесува 5 405, а од нив 48 се умрени доенчиња.
Природниот прираст изнесува 192, што значи дека за толку лица е поголем бројот на живородените деца од бројот на умрените лица.
Во последниот квартал лани биле склучени 3 261 брак, што е за 6.4 проценти повеќе од исиот период во 2017.
Во октомври, ноември и декември минатата година се разведени 442 брака.