Средба на министерот Спасовски со Амбасадорот на Кралството Холандија

Од:

Министерот за внатрешни работи Оливер Спасовски денеска одржа работна средба со амбасадорот на Кралството Холандија Н.Е. Вилем Ваутер Пломп.

Амбасадорот Пломп му го честита изборот на министерот Спасовски и му посака успешна работа. Тој ги потенцира одличните односи меѓу двете земји и решеноста на Кралството Холандија максимално да и помогне на Република Македонија во областите за кои таа помош ќе биде побарана.

Министерот Спасовски се заблагодари на честитките и досегашната соработка со Кралството Холандија и изрази уверување дека таа во иднина ќе биде уште посодржајна. Тој ја потенцира решеноста за спроведување на реформи во македонската полиција, со крајна цел полицијата да се департизира и декриминализира и да биде вистински сервис на граѓаните. Според министерот Спасовски, принципите на законитост, одговорност и чесност мора да бидат основни принципи на секој вработен во МВР.

Министерот Спасовски потенцира дека во наредниот период ќе им се даде простор на професионалците во МВР, а пример за таквата тенденција е и назначувањата на директорите на УБК и БЈБ, професионалци со долг стаж во Министерството за внатрешни работи.

Би можело да ве интересира

ВИДЕО: Како работела лихварската банда – наплаќале огромни камати, одземале имот и живееле луксузно

Катерина Ѓуровски

Фатен бегалец од штипскиот затвор осуден за убиство

Полициска акција во Скопје, се прават претреси поради лихварство и перење пари

Катерина Ѓуровски

МВР: Во Прилеп уапсени се две лица поради „поткуп при избори и гласање“

МВР апелира до сите граѓани и до политичките партии, да придонесат за мирна и демократска атмосфера

Горан Наумовски

Пукање во Амстердам: Едно лице е повредено, осомничениот е уапсен