Министерот за надворешни работи, Никола Димитров денеска оствари одвоена билатерлана средба со потсекретарот за политички прашања во Стејт демартментот, Томас А. Шенон.
На средбата која помина во икслучително пријателска и конструктивна атмосфера, министерот ги потенцираше клучните заложби на македонската Влада, како на домашен, така и на надворешен план. Притоа, особен акцент даде на реформските активности насочени кон враќање на македонското општество на вистинската демократска патека, како и на позитивниот, отворен и пријателски пристап кон посредните и непосредните соседи на Македонија. Димитров се осврна и на сегашниот и на планираниот засилен ангажман и придонес на Република Македонија кон НАТО мисиите, а со цел поддршка на партнерите и придонес кон светскиот мир согласно капацитети на земјата, како и докажување дека земјата после долготрајно чекање заслужува да стане 30-та земја членка на организацијата.
Американскиот потсекретар Шенон, изрази високо почитување за визијата, храброста, самосвесноста и реалниот пристап содржани во пренесените пораки од македонска страна. Изрази интерес за билатералните односи со соседите, како и задоволство од позитивните исчекори во тој правец. Г-динот Шенон го потенцираше задоволството на САД од партнерството со Република Македонија и подготвеноста да продолжат со поддршката за реализација на македонските стратешки цели.