Министерот за внатрешни работи Оливер Спасовски денеска прими делегација составена од претставници на „Достоинство“ и родители на загинатите бранители во настаните во 2001 година.
МВР денеска соопшти дека од страна на претседателот на „Достоинство“, генералот Стојанче Ангелов, министерот Спасовски бил детално информиран за постапките за обештетување што се воделе од страна на семејствата на загинатите бранители и воени инвалиди. При тоа, стои во соопштението, беше истакнато дека за 12 семејства на загинатите бранители од МВР за сите овие години од страна на државата не постоел слух да им се излезе во пресрет, односно да бидат обештетени.
– Министерот Спасовски изрази подготвеност максимално да се заложи, како човек и како министер, оваа неправда да биде исправена, се наведува во соопштението од МВР.