Синот на Неделковa дo Јово Вангеловски: Правдата е постојана и секој го добива своето

Од:

Синот на судијката Лидија Неделкова, преку социјалните мрежi му се обрати на претседателот на Врховен суд Јово Вангеловски. Давид Неделков го прашува дали од круцијално значење за опстанокот на неговата функција и функционирањето на Врховниот суд и судската власт воопшто, е тоа кој ги потпишува доставниците во СЈО?

Еве што напиша Неделков до Вангеловски:

ВО УМОТ НА ЈОВО ВАНГЕЛОВСКИ

Веќе извесно време размислувам што ли се случува во умот на Претседателот на Врховниот суд на Република Македонија, Јово Вангеловски, кога јас, Давид Неделков, претставувам негова главна преокупација. Имено, во неколку последователни изјави претседателот на Врховниот суд лично ме прозва, па сметам дека истиот очекува и јас лично да му се обратам, и покрај тоа што не се познавам со него.

Потекнувам од сериозно и угледно семејство во кое отсекогаш преовладувале моралот, остроумноста и прагматизмот како одлика на општествениот успех на мојата фамилија, па поради тоа не би сакал да навлегувам во дневно политичка реторика, но не би можел да останам нем сведок на „играта на тронови” во која, од за мене непозната причина, сум и јас лично инволвиран од страна на Претседателот на Врховниот суд.

Како млад магистер по право во текот на своите студии, а посебно растејќи и развивајќи се во семејство со правна традиција, сериозно ги изучував и анализирав Уставот и законите на Република Македонија, но никаде не можев да најдам дека должност на Претседателот на Врховниот суд е да врши контрола и надзор за тоа кој става печати и се потпишува на доставници во јавните институции кои не се дел од судската власт и во кои Претседателот на Врховниот Суд нема никакви овластувања. Па така, во однос на тврдењата на Претседателот дека на доставници од институцијата СЈО (Специјално јавно обвинителство) стоело моето име и презиме, кои во последното негово интервју на една од македонските телевизии беа дури и безобразно арогатни, би сакал јавно да му одговорам дека истите се апсолутно невистинити, па со оглед на овој факт не ми е јасна целта која сака да ја постигне со моето јавно прозивање.

Воедно би сакал да го прашам дали од круцијално значење за опстанокот на неговата функција и функционирањето на Врховниот суд и судската власт воопшто, е тоа кој ги потпишува доставниците во СЈО?

Се надевам дека со ова мое обраќање на Претседателот на Врховниот суд на Република Македонија ќе му се разјасни неговата животна енигма и дека конечно ќе може мирно да спие и своите мисли да ги сосредоточи кон независноста и непристрасноста на судската власт, особено во однос со странките во судските постапки, Јавното обвинителство и адвокатската комора кои за жал демонстрираа дека преку постапките на избраните претставници, злоупотребувајќи ги интересите на граѓаните претставуваат сериозна закана за нарушување на принципот на владеење на правото.

Ова особено ако се има во предвид каков врвен придонес во правната наука се неговите реферати – иницијативи за донесување на правни мислења од страна на општата седница на Врховниот суд, за кои верувам дека долго време ќе бидат предмет на изучување од домашните и странски експерти.

Iustitia est constans et perpetua voluntas ius suum cuique tribuendi (правдата е постојана и секој го добива своето)

Би можело да ве интересира

Ахмети на распит во Oбвинителството за организиран криминал и корупција

Ана Ололовска

ДЗР: Во СЈО незаконски си поделиле бонуси од 4.6 милиони евра

Ана Ололовска

Врховен суд ја преиначи пресудата за сообраќајката кај Универзална сала пред пет години

Ана Ололовска

Поранешни вработени во СЈО бараат извинување од Пендаровски за говорот по повод Илинден

А1он

СЈО замина во историјата, предметите во рацете на Јавното обвинителство за организиран криминал

Ана Ололовска

Фетаи: Новиот закон за ЈО им дава можност на обвинителите да се справат со криминалот

Ана Ололовска