Денес сме сведоци на сериозен скандал на СДСМ, имено признание дека во 2005-та година го прифатиле предлогот на Нимиц за промена на името, во кој што предлог на местото на нација стои празно место, на местото на јазикот стои македонски на латинична транскрипција наместо macedonian во англиска верзија.
Бараме јавно објаснување од Бранко Црвенковски лично, да објасни зошто вакво нешто прифатил и дали Македонија добила нешто со тоа што тој прифатил вакво катастрофално решение кое што е директно во спротивност со Македонскиот идентитет и македонските интереси.
Со кое право тој прифатил вакво решение?
Пред самитот во Букурешт потсетуваме како што е познато на целата македонска јавност државниот врв разговараше за можноста Република Македонија (Скопје) да се стави на референдум затоа што само граѓаните на оваа држава, а не поединци, политичари имаат право да одлучат за ова прашање.
Со кое право Црвенковски во 2005-та година донел одлука за прифаќање на предлог без да ги консултира граѓаните е должен само тој лично да каже и одговори, напишаа од ВМРО-ДПМНЕ.