СДС не запира со злоупотреби. Институциите каде се власт на локално ниво им служат како партиски штабови, рече пратеникот на ВМРО-ДПМНЕ и претседател на ОК ВМРО-ДПМНЕ Струмица Жан Дрвошанов.
– Имаме фотографии и видеа од пред неколку дена, кои сега преку свиркач, од незадоволен член на СДС стигнаа до нас и од овие фотографии се гледа како СДС злоупотребува училиште за партиски активности. Јасно се гледа како училница е претворена во штаб, и како училиштето е специјално отворено за СДС во доцните ноќни часови. Оваа злоупотреба не може да се случи без дозвола на директорот на училиштето и градоначалникот Костадин Костадинов. Ги прашуваме Филипче и Костадинов, дали е ова демократија, и дали за ова се борат? За државниот имот да биде партиски и во партиска функција, вели Дрвошанов.