Руска црква: Го поздравуваме помирувањето меѓу македонската и српската црква

Од:

Светиот синод на Руската православна црква (РПЦ) го поздрави враќањето на Македонската православна црква-Охридска архиепископија (МПЦ-ОА) во единство со Српската православна црква.

dobivaj vesti na viber

Решивме да му благодариме на Бога што ја прекина долгогодишната разделба и ја врати Македонската православна црква – Охридска архиепископија во евхаристиско и канонско општење со Српската православна црква“, се вели во соопштението објавено на веб-страницата на Московската патријаршија по седницата на Синодот.

На почетокот на седницата на Светиот синод, патријархот Московски и на цела Русија Кирил го поздрави повторното обединување на МПЦ-ОА со СПЦ, оценувајќи го како „важен историски настан“.

„Ќе ве информирам за еден ваков добар и важен историски настан – обновувањето на комуникацијата меѓу Српската патријаршија и Охридската архиепископија“, рече патријархот Кирил.

Патријархот спомна дека се работи за долга поделба, која „конечно оздравела“.

Српскиот патријарх Порфириј во вторникот на заедничката литургија во Соборниот храм во Скопје по повод празникот Свети Кирил и Методиј соопшти дека Светата Тајна на СПЦ одлучила да ја одобри, благослови и признае автокефалноста на МПЦ-ОА.

Тој додаде дека ќе бидат информирани и повикани сите помесни цркви да го прифатат статусот на автокефалност на МПЦ-ОА.

Би можело да ве интересира

Патријархот на СПЦ Порфириј устоличен во Пеќката патријаршија

А1он

Патријарх Кирил: Господ го постави Путин на власт

А1он

Поглаварот на Руската православна црква Кирил заразен со Ковид-19, има тешки симптоми

А1он

Папата Франциск со критика до рускиот патријарх Кирил: Бог е мир и не нè води по патот на војна

Ана Ололовска

Српскиот патријарх му додели Орден на Орбан: Тој се залага за христијански вредносен систем кој извира од Евангелието

А1он

Ѓукановиќ: СПЦ и Руската православна црква се алатки во рацете на политиката на Путин

А1он