Рашела М. изработува академски трудови за пари, министерката вели дека е лажен профил

Од:

Профил со личните податоци на професорката, која сега е министерка за труд и социјална политика, Рашела Мизрахи, преку мрежата „Апворк“ нуди изработка на магистерски и докторски трудови, како и артикли, и тоа за пари. Најчести клиенти на вакви мрежи се токму студентите, кои со купување на десертациите, а претставувајќи ги како нивно авторско дело, го заокружуваат студирањето на факултетите. На мрежата се оставени и цени за изработка на проектите, па, така, за пишување блог-артикл се плаќа од 4.500 долари, за академско пишување и истражување цените почнуваат од 700 долари, а за ставката „пишување“ бара од 1.000 долари па нагоре. Министерката негира дека профилот е нејзин и вели дека ќе пријави кај надлежните органи, а од МВР, пак, велат дека во одделението за сајбер-криминал – пријава нема.

На мрежата е оставена и целата биографија на министерката Мизрахи, односно детали за нејзиниот образовен процес, работно искуство, истражувачко и лабараториско искуство. Притоа, наведено е и какви способности поседува министерката, кои јазици ги познава, но и дека е дел од асоцијацијата на македонските академици. На профилот е прибележано: „Отворено за понуди“.

Министерката Рашела Мизрахи за „А1он“ не ја оспорува биографијата оставена на профилот кој нуди изработка на академски трудови зад кои потоа се потпишуваат и студенти. Таа вели дека е јавно достапна. Но, министерката негира дека профилот отворен на мрежата е нејзин.

„Со оглед на тоа дека мојата лична биографија е јавно достапна, секој може да креира профил злоупотребувајќи го моето име. Јас зад тој профил не стојам и секоја понатамошна злоупотреба на моето име и на мојот интегритет ќе биде пријавена до надлежните органи“, вели Мизрахи.

Мизрахи не одговори на прашања од „А1он“ за тоа колку е морално создавањето лажна перцепција, односно да се продолжи праксата со пари да се добива диплома, но и дали за неа е спорна изработка на вакви трудови, кои студентите ги прикажуваат како свои.

Пребарувајќи во интернет-просторот, „А1он“ не успеа да дојде до друга интернет-страница каде што е оставена детаљно образожената биографија на министерката Мизрахи. Единствено е достапен нејзин мотивирачки говор, каде што говори за нејзиното работно искуство, како и објави од медиумите по предлогот на ВМРО-ДПМНЕ таа да биде министерка.

Од профилот Рашела М. на мрежата „Апворк“ се забележува дека тој не е креиран изминатиов период. Во делот за работно искуство последно впишано е дека Мизрахи е консултант во Министерството за здравство од 2016 година до сега, но не и дека моментно е на функцијата технички министер за труд и социјална политика.

Министерството за внатрешни работи вели дека во одделението за сајбер-криминал нема пријава од министерката Мизрахи за злоупотреба на нејзините лични податоци со цел креирање профил на интернет-мрежите.

Би можело да ве интересира

ЕК: Разумно е да се размислува за избори, не може вечно да има техничка влада

А1он

(ВИДЕО) „Успешна жена, силна Македонија“, трибина на ВМРО-ДПМНЕ за 8 Март

А1он

Словенечките медиуми за распуштањето на Собранието и разрешувањето на Мизрахи

Ана Ололовска

Спасовски апелира до ВМРО-ДПМНЕ да даде предлог за нов министер за труд и социјална политика

Предраг Петровиќ

Мизрахи носела кадровски решенија дента кога била покрената постапката за нејзино разрешување

Предраг Петровиќ

(ВИДЕО) Шахпаска: Со разрешувањето на Мизрахи, Собранието го одбрани Уставот и интересите на граѓаните

Драган Поповски