Приватните превозници ќе ги повлечат автобусите од пред Град Скопје за да го исполнат условот кој го постави премиерот Димитар Ковачевски за средба. Од двете здруженија на приватните преовзници информираа дека ќе ги прекинат блокадите затоа што Ковачевски рече дека ќе се сретне со нив ако го ослободат сообраќајот во главниот град.
– Ќе го испочитуваме барањето на премиерот и ќе ги повлечеме автобусите од блокадата. Ова го правиме во договор со сите превозници со цел да му дадеме шанса на дијалогот. Се согласуваме на средба кај премиерот на која ќе има и претставници од Градот Скопје и од ЈСП и да ги соочиме аргументите. Вистината е на наша страна. Очекуваме да бидеме повикани рече на прес конференција Ленин Јовановски од „Слобода превоз“.
Приватните автобуски превозници го блокираат булеварот „Илинден“ и речиси целата околина на бараките на Град Скопје поради долгот кој го има кон нив Градот и ЈСП.