Поднесен обвинителен акт за тројното убиство во Дебар

Од:

Основното јавно обвинителство Гостивар поднесе обвинение против три лица кои се товарат дека биле инволвирани во убиство на тричлено семејство во Дебар што се случи во август минатата година.

По сеопфатна истражна постапка, Обвинителствотото обезбедило докази дека првообвинетата сторила кривично дело – убиство, додека другите двајца обвинети за помагање при извршување на истото кривично дело.

Како што е наведено во соопштението од Јавното обвинителство, на 26 август 2018 година, во семејната куќа во Дебар, обвинетата пукајќи од непосредна близина со пиштол со калибар 7,65мм најпрвин ги лишила од живот сопствените мајка и татко, а потоа и малолетната сестра. Другите двајца обвинети со умисла и помогнале во извршувањето и прикривањето на кривичното дело.

Еден ден пред извршувањето на кривичното дело, првообвинетата телефонски контактирала со второобвинетиот и се сретнала со него во Гостивар. Второобвинетиот изнајмил возило и заедно се упатиле кон Дебар за да набават оружје. Истиот ден, во близина на Градската болница во Дебар, се сретнале со третообвинетиот, кој им обезбедил пиштол и рамка со пет куршуми.

По извршувањето на кривичното дело, обвинетата се упатила во Струга, каде се сретнала со второобвинетиот и му ги дала клучевите од изнајменото возило да го врати во Гостивар. Обвинетата со такси отишла на аеродромот во Скопје од каде со авион заминала за Република Италија.

Ценејќи дека и натаму се исполнети законските основи, надлежниот јавен обвинител до Основниот суд во Гостивар доставил и предлог за продолжување на мерката притвор за обвинетите лица.

Би можело да ве интересира

Вооружени напаѓачи убија седум патници во автобус во југозападен Пакистан

Обвинителство: Обезбедени се докази против јавен обвинител кој ја злоупотребил службената положба

По петдневна потрага полицијата го уапси убиецот Емир Селимовиќ

Горан Наумовски

Петрушевски: Коцевски нема никаква иницијативност, ниту желба да се подобрат работите во обвинителството

Граѓаните уплашени на местото каде што полицијата трага по монструмот Селимовиќ: „Може да ни дојде на врата“

Директорот на РЕК Битола осомничен за незаконски избор на јавна набавка, Обвинителството бара „замрзнување“ на имот за инволвираните