Почна постапка за одземање на дозволата на 1ТВ

Од:

Агенцијата за аудио и аудиовизуелни медиумски услуги (АВМУ) на денешната седница донесе одлука да се почне постапка за одземање на дозволата на 1ТВ, чиј неформален газда беше Бојан Јовановски – Боки 13, кој е во притвор за случајот „Рекет“.

Телевизијата има рок од 15 дена за да ги исправи пропустите, а доколку не се случи тоа, таа ќе престане да зрачи во етерот.

1ТВ во последниот период, по апсењето на Боки 13, престана да емитува програма во извесен период, потоа се емитуваа музика и филмови, а од минатата среда престана да зрачи.

Од Агенцијата извршиле надзор со кој било констатирано дека телевизијата не ги исполнува минималните кадровски услуги, односно да има најмалку 30 вработени од кои 10 новинари со соодветно образование.

Од Управата за јавни приходи минатата недела соопштија дека ќе бидат поднесени кривични пријави против Меѓународниот сојуз на Боки 13, Томато продукција (каде што беше сместена телевизијата) и БМЈ Медиа Груп, фирмата сопственик на 1ТВ, поради даночно затајување од околу 325 илјади евра.

Во јавноста беше обелоденето дека извесен Богдан Дамјановски, 77 годишен пензионер од Скопје е посредник со цел инвеститор од Холандија да ја купи телевизијата.

Подоцна, Дамјановски изјави дека инвеститорот во чие име настапувал се премислил, бидејќи првичниот договор бил на помала сума, но откако УЈП ја блoкирала сметката за неплатени даноци сумата се зголемила на околу 400.000 евра. Инвеститорот, чие име не беше откриено наводно бил пријател на Дамјановски кој живеел во Холандија и сакал да почне бизнис во Македонија, а првата опција била да ја купи телевизијата на Боки 13.

Би можело да ве интересира

Одобрено обвинението: Боки 13, Јанева и Милевски седнуваат на обвинителна клупа

Васко Маглешов

Катица Јанева бара апанажа

Васко Маглешов

(ВИДЕО) Мицкоски: Русковска лаже, не е точно дека одбивам соработка со обвинителството

Габриела Димковиќ-Мишевска

(ВИДЕО) Тимоние: Случајот „Рекет“ покажа дека реформите во судството се движат во позитивна насока

Ана Василевска

Одбиени барањата на Јанева и Боки 13 за укинување на притворот

Татјана Ташкова

(ВИДЕО) Лажна вест на „Ла Верита“: Заев барал од Русковска да ги одблокира 750.000 евра од Силјан Мицевски

А1он