По празникот Груевски секој ден е на судење

Од:

По празниците следува нова напорна судска недела за експремиерот Никола Груевски. Од вторник до петок тој секој ден треба да се појавува во кривичниот суд.

Во вторник и среда, односно на 10 и 11 април има закажано судски рочишта за набавката на екстралуксузниот „мерцедес“ во предметот „Тенк“.

Предметот е во фаза на доказна постапка и се сослушуваат сведоци. В четврток, на 12 април, треба да се одржи второто судско рочиште за предметот „Титаник“, откако претходно, адвокатите поради обемноста на предметот, побараа и добија повеќе време за да направат увид во доказите.

В петок, доколку Врховниот суд донесе одлука, треба да бидат пуштени 26 бомби во судницата.

До крајот на месецот, Груевски треба да присуствува на 11 судски рочишта и тоа: на 5 судења за случајот „Тенк“, на З за „Титаник“, на едно рочиште за „Траекторија“, едно за предметот „Насилство“ и едно за „ТНТ“.

Во петоците Груевски треба да се пријавува кај шалтерски службеник, како обврска за почитување на мерките на претпазливост кои ги определи судот.

Против него има 5 активни обвиненија на специјалното јавно обвинителство, а отворени се и 3 нови истраги.

Васко Маглешов

Би можело да ве интересира

Мицкоски: Дел од функционерите на поранешната владина коалиција во Будимпешта се среќавале со Груевски

Влен: За враќање на Груевски, претставници на ДУИ, СДСМ и Пендаровски во март се сретнале во Вила Водно

На Груевски му застарува затворската казна во случајот „Тенк“ за набавката на мерцедесот

Катерина Ѓуровски

Врховен ги одби како неосновани барањата за преиспитување на пресудата за „Титаник“

Груевски: Македонија станува протекторат, народот прави црни листи на избори, а не други држави

Врховниот суд пресече за „Плацеви на Водно“ – за Груевски останува казната од Апелација