Пендаровски: Во Битола беше направен обид докажан соработник на хитлеровиот нацистички режим да биде претставен како мост на зближување

Од:

Иако отворањето културни центри насекаде во демократскиот свет претставува чекор кон зближување на народите и нивните култури, именувањето на установи од областа на културата според докажан соработник на фашистичкиот режим од Втората светска војна не ѝ служи на таа благородна кауза, се вели во реакцијата на претседателот на Македонија Стево Пендаровски по вчерашното отворање на клубот „Ванчо Михајлов ВМРО” во Битола.

dobivaj vesti na viber

„Неоспорувајќи ја добрата намера на премиерот Петков, вчера во Битола во составот на бугарската делегација беа и двајца претставници на поранешната власт во Софија кои беа најгласни противници на македонскиот пат кон Европа. Со самото нивно присуство и изјави беа минимизирани пораките за добрососедство и соработка кои беа испратени од бугарскиот премиер.

Во 2017 година, идејата да се формира комисија составена од историчари беше да се најде компромис за историските настани и личности кои треба да бидат заеднички чествувани и од македонскиот и од бугарскиот народ. За жал, вчера во Битола беше направен обид еден докажан соработник на хитлеровиот нацистички режим да биде претставен како мост на зближување меѓу двете држави. Сигурен сум дека ниту македонскиот, ниту бугарскиот народ сметаат дека ликот и (не)делото на Ванчо Михајлов можат да придонесат во таа насока“, се вели во писмената реакција на претседателот Пендаровски.

Би можело да ве интересира

Претседателот Пендаровски со апел да се протестира достоинствено и без насилство

Горан Наумовски

Пендаровски-Мишел: Прифаќањето на францускиот предлог ќе овозможи отворање на првата фаза од пристапните преговори

ВИДЕО : Средба на претседателот Пендаровски со министрите за европски прашања на Ирска и Финска

Горан Наумовски

Петков: Следната недела ќе се разговара за составот на новата влада на Бугарија

Радев денеска ќе го врачи мандатот за состав на новата бугарска влада

Петков: Руската амбасада во Софија може да има 43 дипломати наспроти 12-те бугарски во Москва

А1он