Пендаровски и Радев заеднички ги чествуваа Св. Кирил и Методиј во Рим

Од:

Претседателите на Република Северна Македонија, Стево Пендаровски и на Република Бугарија, Румен Радев денеска во базиликата „Санта Марија Маџоре“ во Рим заеднички ги чествуваа Св. Кирил и Методиј.

dobivaj vesti na viber

Двајцата шефови на држави положија свежо цвеќе пред спомен-плочите во базиликата „Санта Марија Маџоре“ и заеднички му оддадоа почит на делото на сесловенските просветители, Светите браќа Кирил и Методиј.

Двајцата претседатели по завршувањето на церемонијата изјавија дека заедничкото чествување на Св. Кирил и Методиј во Рим придонесува за јакнење на добрососедските односи и меѓусебната доверба на двете држави и двата народа.

„Сакаме да покажеме дека и на Балканот има луѓе, има политичари кои можат да зборуваат со европски јазик кога зборуваат за нашите актуелни проблеми и предизвици, и се разбира, за нашата иднина. Во колегата Радев овие два дена најдов еден соговорник со кој можеме да разговараме на ист јазик, не зборувам тука за македонскиот и за бугарскиот јазик, зборувам за европскиот јазик, кој единствено може да донесе подобра, посреќна иднина за нашите две држави и за нашите два народи“, изјави претседателот Пендаровски, кој рече дека напредок е возможен само ако во дијалогот двете држави влегуваат еднакви.

Денеска претпладне, претседателот Пендаровски имаше аудиенција кај Поглаварот на Римокатоличката црква, Неговата светост Папата Франциск и оствари средба со државниот секретар на Светата Столица, кардиналот Пјетро Паролин.

Претседателот Пендаровски престојува во посета на Италијанската Република и Светата Столица по повод манифестацијата „Македонија во чест на Св. Кирил“, а во Рим отпатува со државниот авион на Република Бугарија, заедно со претседателот на Република Бугарија, Румен Радев.

Би можело да ве интересира

(ВИДЕО) Пендаровски и Штајнмајер на турски чај во Старата чаршија

Радев: Бугарија ги поддржува напорите за членство на Косово во Советот на Европа

А1он

Радев ќе ја одржи последната средба пред врачувањето на првиот мандат за формирање нова бугарска влада

А1он

Радев: Третиот мандат за нова бугарска Влада ќе биде врачен по Нова година

А1он

Радев: Инцидентот во Полска е неприфатлив и претставува ризик за дестабилизација на целиот регион

Радев: Има страв во партиите да ја преземат власта во зима

А1он