На Македонија само треба да ги вклучи Бугарите во Уставот за да ги започне преговорите со ЕУ, изјави денес бугарскиот премиер Румен Радев пред самитот ЕУ-Западен Балкан во Тиват.
– Подготвени сме да ѝ помогнеме на секоја земја што ќе аплицира за членство, особено на нашите браќа од Македонија. Чекаме конечно да ја исполнат преговарачката рамка. Имаме консензус од јули 2024 година и чекаме конечно да го изменат Уставот и да ги вклучат Бугарите во него. Многу е едноставно. Тие само треба да го направат овој чекор за да ја отворат вратата кон преговарачкиот процес, рече Радев.
Оваа позиција на Бугарија ја става Македонија пред реалноста во која европската интеграција сè повеќе се третира како тест за институционална зрелост и способност за спроведување длабоки реформи, а не само како политички процес.
Македонија мора да одлучи дали да го прифати моделот на постепена интеграција или да остане заглавена во билатерален спор со Бугарија.
