Европа не инсистираше на преговори со Русија на време и сега мора итно да ја преиспита својата стратегија кон војната во Украина, изјави денес во Париз, бугарскиот премиер Румен Радев, пред средбата со францускиот претседател Емануел Макрон.
Радев оцени дека стремежот кон „мир преку сила“ и обидот да се постигне „конвенционална победа над најголемата нуклеарна сила во светот“ ризикуваат опасна ескалација на конфликтот, вклучително и нуклеарен конфликт, пренесува агенцијата БТА.
Радев потсети дека Бугарија досега ѝ обезбедила политичка, хуманитарна, дипломатска и воена поддршка на Украина, но исто така предупреди дека Софија треба внимателно да ги процени сите идни финансиски или воени обврски во сегашната безбедносна средина.