Пеливанов на местото на Русковска, додека таа е суспендирана

Од:

По скоро година и половина поминати во Обвинителството за гонење организиран криминал, обвинителот Трајче Пеливанов ќе раководи оваа институција. Советот на јавни обвинители на седницата на која присуствуваше само „А1он“, го разгледуваше предлогот на републичкиот обвинител Љубомир Јовески, и го избра да ги обавува обврските кои ги имаше обвинителката Вилма Русковска. Изборот доаѓа откако во петокот беше потврдена суспензијата на Русковска, која има мандат за да биде шефица на ова обвинителство.

dobivaj vesti na viber

„Трајче Пеливанов, дали е прифатлив?“, предложи Љубомир Јовески, а членовите на Советот, Коле Штерјев и Фиданка Рајевска посочија: „И јас го помислив него“.

Одлуката за поставување на Пеливанов беше едногласно изгласана од присутните членови на седницата. Тој ќе ја обавува функцијата до прекинот на суспензијата на Русковска или избор на нов обвинител, со оглед дека нејзинот мандат истекува во ноември.

Замена за Русковска е нужно да се постави, согласни беа сите присутни членови на седницата. Единствената дилема која ја имаше советот беше поврзана со терминологијата која ќе се употребат при поставувањето на заменикот, во случајов обвинителот Пеливанов, бидејќи Законот за јавни обвинители не предвидува ситуација каде шефот и неговиот прв заменик ќе бидат дел од дисциплинска постапка, за да се овозможи поставување на вршител на должност.

„Со оглед дека имаме една таква состојба, тешко дека и законодавецот можел да го превиди. Имаме состојба каде е отстранет од работа од тоа обвинителство, неговиот заменик е опфатен со постапката, заедно со друг обвинител. Дали може сега обвинителството, станува збор за едно од поголемите обвинителства, да го оставиме без раководител во овој период? Во рамките на духот на законот, сметам дека нема да згрешиме ако одиме со в.д.. Можеби диспозитивот треба да стои додека трае оддалечувањето на јавниот обвинител. Сметам дека нема да прекршиме права на никој што е засегнат, ниту отстранетиот јавен обвинител, ниту на првиот заменик, ниту некој трет. Тоа Обвинителство мора да има стабилно раководење, особено во овој период“, рече Јовески.

Обвинителот Штерјев, кој беше согласен дека треба да има замена за Русковска, имаше само забелешки во делот на терминологијата.

„Законот предвидел суспензија како институт и предвидел институт распоредување. Во законот вели: ‘Ако на јавниот обвинител му е истечен мандатот, му престанала функцијата или е разрешен, Советот донесува в.д. …’. Нужен предуслов е да е разрешен обвинителот. Тоа е условот, за да има примена на институтот. Ваква ситуација имаше овој Совет пред три години, кога беше Катица Јанева. И на крај се разбравме. И тогаш реков: Замислете да ја пуштат Катица Јанева, ќе имаме двајца, еден избран и еден в.д.?. Од друга страна тоа обвинителство не смее да остане без шеф на обвинителство, мора да се реагира таму. Во таа дисциплинската постапка е и првиот заменик. Јас како го гледам изборот: Да се побара од заменичката да изготви нов распоред. Тој човек кој ќе го ставиме како в.д.. Да не правиме од советот недоветност. Мислам дека така штета најмалку ќе се направи. Вака кога не е разрешен, а поставуваме в.д..“, кажа Штерјев.

Со ваквиот предлог не се согласија останатите членови, бидејќи сметаа дека изборот на заменик на Русковска ќе биде компромитиран, бидејќи заменикот назначен од суспендираната шефица, односно Ивана Трајчева, е опфатена во истата дисциплинска постапка. Дел до членовите на Советот посочија и дека ова не е ист случај како со Катица Јанева бидејќи таа е избрана од Собранието, како и дека, за неа важел посебен закон. Во однос на тоа дека ако се врати Русковска, ќе има двајца шефови, беше кажано дека во решението ќе стои дека во вакво случај, Пеливанов нема повеќе да ја извршува заменичката функција.

Фиданка Рајевска имаше дилема само кој треба да постави вршител на должност.

„Не е спорно дека треба да се постави в.д. Но кој треба, дали републичкиот обвинител или Советот. Дискутабилно е кој тоа треба да го направи, која аналогија да ја користиме. Законодавецот превидел суспензија, ама не кажал што потоа“, посочи таа.

На ова, Јовески одговори: „Нема ништо да се промени, ако таму се стави до времето на суспензија да важи Инаку, секаде советот, секогаш кога нема старешини, Советот ги поставува. Обвинителот не може да именува старешини, старешините се надлежност на Советот. Обвинителството не може без раководител. Немаше проблем ни првиот заменик да остане, но за ист предмет се дисциплинските“.

Јасна Жежова исто така посочи дека не гледа проблем Пеливанов да биде и вршител на должност.

„Ми се чини прифатлив овој предлог од причина што законодавецот не можел да предвиди секоја конкретна ситуација, кога е суспендиран јавниот обвинител, кога заменикот е опфатен. Имаме применето аналогија, имавме со виш јавен обвинител, каде поставивме в.д. Не смееме да го оставиме ова обвинителство без раководител“, кажа таа.

Пеливанов беше дел до тимот на Катица Јанева во Специјалното јавно обвинителство каде беше четири години, односно од 2015 до 2019 година. Обвинителската кариера ја започнал во Основното јавно обвинителство во Скопје во 2009 година, каде бил до 2015 година. Тој има стаж од 11 години. Во Обвинителството за гонење организиран криминал и корупција беше избран минатиот април, кога беше оценет со 25 поени за тоа како ја извршува својата работа.

Би можело да ве интересира

Русковска за најавата за кривична од Рашковски: Од што да се плашам?

Кристијан Ландов

(ВИДЕО) Рашковски кривично ќе ја гони Русковска: Ќе докажеме како ја местела истрагата

Кристијан Ландов

За Русковска да остане шефица гласале 14 обвинители, од 163 кои имале право да бираат

Кристијан Ландов

Русковска: Сигурна сум дека изборите ќе бидат фер, ако изгубам ќе признаам пораз

Кристијан Ландов

(ВИДЕО) Пауновска до Русковска: Претера Вилма…

Кристијан Ландов

(ВИДЕО) Русковска: Ми рекоа „Пази што правиш, можеш да завршиш како Катица Јанева“

Кристијан Ландов