Обвинителство не гледа одговорност кај градоначалникот на Сарај за тоа што не постапувал за дивоградбите на Матка

Од:

Обвинителството ја одби иницијативата на Антикорупциската комисија за гонење на градоначалникот на Општина Сарај, Блерим Беџети, затоа што и покрај законската обврска, тој не ги одбил барањата за легализација на дивоизградените платформи на Матка. Одлуката донесена од обвинителот кој одбил да го гони Беџети, за претседателката на Антикорупциската комисија, Билјана Ивановска е со смешно образложение.

„Добивме одлка за отфрлање на иницијативата. Образложението е смешно. Сите сме сведоци на тоа што се случува, на узурпацијата, а велат дека нема основи за јавно обвинителска одлука. Ќе побараме одлуката да се преиспита, како и да се изврши контрола врз неа од повисоките истанци“, вели Ивановска за „А1он“

Антикорупционерите во август минатата година утврдија дека платформите на Матка не може да бидат легализирани оти се објекти од времен карактер, а освен тоа во поднесените барања за легализација недостигале низа согласности од надлежни органи. Но, и покрај ова, градоначалникот Беџети не одлучувал по предметите, односно не ги отфрлил барањата.

Оттука, антикорупционерите донесоа заклучок дека со непостапување се прекршени одредбите од Законот за локална самоуправа, бидејќи ако градоначалникот одговорил на барањата, институциите ќе можеле да постапуваат, односно да ги отстранат дивоизградените платформи.

Кога Антикорупциската комисија покрена предмет за Беџети, градоначалникот изјави дека врз него се врши политички притисок од тогашниот премиер, сега лидер на СДСМ, Зоран Заев. Тогаш, Заев кажа дека барал од Беџети да се постапува според закон, а не тој да брани дивоградби.

Би можело да ве интересира

Ивановска за тимот од Вашингтон: Тоа за нас е поразително, доаѓаат зошто не сме си ги завршиле домашните задачи

Маја Илиевска-Пачемска

Антикорупциска контра Герасимовски: Не се консултирал со нас, не може судија да извршува три функции

Орце Костов

Петрушевски: Ковачевски и владата не ја известуваат ДКСК за именуваните функционери

Катерина Павлова-Николовска

Лефков: Антикорупциска да престане политички да амнестира, Обвинителството да го истражи Ковачевски

Катерина Павлова-Николовска

Стоилковски: Поднесена е пријава до ДКСК за Ацевски за скандалозната набавка на битумен

Владата го следи случајот со патувањето на Тупанчески: Кога ќе бидат разгледани сите факти, ќе биде постапено

Кристијан Ландов