Двајца вработени во скопски угостителски објект вчера прво се скарале, а потоа и физички се пресметале, соопшти полицијата. Настанот се случил во кафеана во Центар.
„На 18.04.2021 околу 16.05 часот во СВР Скопје било пријавено дека во угостителски објект на подрачје на Центар, по претходна расправија, бил нарушен јавниот ред и мир со физичка пресметка помеѓу двајца вработени С.Х.И.Ц.(37) од Скопје и М.Б.(44) од Скопје,“ се вели во полициското соопштение.
Сочинет е записник за констатиран прекршок по член 11 од Законот за прекршоците против јавниот ред и мир, додаваат од полицијата.
И на почетокот на месецов, беше забележан сличен настан, кога колеги-обезбедувачи се тепаа на работно место во скопско училиште.
