Жена на 67-годишна возраст од селото Дрење, кривопаланечко, била физички нападната од три лица поради недоразбирање околу крави кои предизвикувале штета. Таа се здобила со тешки телесни повреди, констатирани во Здравствениот дом во Крива Паланка.
Случајот бил пријавен на 21 ноември во 9 часот во ОВР Крива Паланка. Според пријавата, Г.Ѓ., А.Ѓ. и А.Ѓ. ја нападнале жената, по што полицијата презела мерки за расчистување на случајот.
Настанот повторно го актуелизира проблемот со слободното движење на стоката во кривопаланечко, каде што жителите подолг период реагираат на штетите што ги предизвикуваат животните оставени без соодветен надзор.
