Шестгодишно дете е тешко повредено во сообраќајна несреќа што се случила вчера попладне на улицата „362“ во Скопје, откако во него удрило товарно возило „мерцедес“, соопшти Министерството за внатрешни работи.
Несреќата била пријавена во 16:30 часот. Според информациите од МВР, со товарното возило со скопски регистарски ознаки управувал 48-годишниот М.С. од Скопје.
Детето се здобило со тешки телесни повреди, кои биле констатирани во Ургентниот центар при комплексот клиники.
Увид на местото на несреќата извршила екипа на СВР Скопје.
